【明報專訊】各區嘅年宵都有唔少機構乘機宣傳，九巴亦唔例外，分別喺維園、花墟、荃灣同元朗4個年宵市場設攤位賣九巴相關紀念品，包括唔同型號嘅巴士模型、貼紙、復古巴士造型鐵盒錢罌等。前日大埔公路19死九巴車禍令全城關注，Emily噚日所見，「9A車長」、九巴業務發展經理梁領彥亦去到維園攤位幫手賣嘢，佢不願多談意外後九巴仍然喺年宵開檔，只着記者向九巴公司查詢。 意外後仍開檔 「9A」經理不願多談 唔少人都係巴士迷，現場所見九巴攤位唔少一家大細選購紀念品，佢哋嘅年宵攤位亦佈置成巴士車頭造型，吸引好多人拎住戰利品喺「九巴」前影相留念。市民葉太一家三口喺攤位花費350元，買咗九巴錢箱同巴士模型，佢話囝囝一直都好鍾意巴士，所以特登捧場。對於大埔嘅嚴重車禍，葉太話相信係個別例子，但亦留意到噚日有九巴司機開記者會講述工時問題，認為要關注呢啲事。
|
| |
| |
;){kind=small}
;)
