娥姐斥講「三級嘢」 趙佩玉哽咽

陳玉娥（左）噚日喺選舉論壇上狙擊自稱係「神叫我去參政」嘅趙佩玉（右），娥姐鬧趙佩玉鬧到好激動，趙無機會還擊，夾喺兩人中間嘅黃成智就好無奈。（曾憲宗攝）

【明報專訊】商台噚日舉行立法會新界東補選選舉論壇，自稱係「神叫我去參政」嘅性傾向條例家校關注組成員趙佩玉，喺論壇上被網絡紅人陳玉娥(娥姐)狙擊，娥姐話趙佩玉嘅反對同性戀言論，係「三級嘢」、「抹黑天主」。趙佩玉聞言哽咽，亦想辯解，但被娥姐喝止，「制止佢講嘢，收聲、收聲呀、收聲呀」。黃成智喺論壇上坐喺佢哋中間，兩女疊聲鬧交時，黃生都幾無奈。

趙話天父叫參選 投票日有神蹟

趙佩玉話，2016年喺以色列祈禱時，「我親自聽到聲音，主係叫我去參選」，仲引述有教會嘅姐妹話，祈禱時都見到天父叫趙參選，仲見到天父將王冠、權柄同權杖畀咗趙，「(姐妹)話我喺政治界會得勝，當時有電流觸動我成身嘅感覺」。趙仲好有信心話，3月11日投票日會有神蹟，「天父同我講，我真係會贏」。

不過，娥姐似乎唔多認同呢位信徒候選人嘅言論，當大家談及同志問題時，反對同性戀嘅趙佩玉再講多元性行為、通姦等問題，娥姐就發炮怒斥趙「扮信徒講三級嘢」，批評趙嘅言論好恐怖、「整污糟我耳仔」，「天主無叫你講三級嘢，但你假借天主之名，抹黑天主……你千方百計整蠱天主，專登講三級嘢，天主係會懲罰你」。

在場嘅候選人仲有范國威、鄧家彪和方國珊。

更多港聞

中大調查：六成人未用過「手機錢包」

【明報專訊】內地手機付款愈來愈流行，香港未見普及。中大香港亞太研究所公布一項有關香港人使用「手機錢包」支付日常開支嘅電話調查，發現約六成受訪... 詳情

「私人聚會相」 浸大學者舉中指相現民主牆

【明報專訊】浸大教職員工會主席、政治及國際關係學系助理教授黃偉國一張舉中指嘅相，被人貼咗喺浸大民主牆。黃偉國同Emily講，呢張相喺2016... 詳情

教局「凱撒歸凱撒沙律」宴記者

【明報專訊】教育局長楊潤雄聯同副局蔡若蓮、政助施俊輝等，噚日同記者午宴提早拜年，揀咗職訓局喺九龍灣校舍嘅西廚訓練場地，菜式名稱別出心裁（圖）... 詳情

自訂建議書 服務滬杭外來工子弟 理大義工通識課獲國際獎

【明報專訊】香港物質豐富，不少學生也許未必清楚知道貧困或暑假時，因父母經濟能力匱乏而留家無所事事的感覺。理工大學將義工服務納入通識課程，修讀... 詳情

張炳良教大履新 盼活用政府經驗

【明報專訊】運輸及房屋局前局長張炳良重返教育大學，昨日履新，出任公共行政學研究講座教授。張對重返教大感高興，又說會整理在政府工作的經驗，豐富... 詳情