內地人月撳機60億 金管局：唔係犯法
[2018.01.27] 發表
【明報專訊】Emily同唔少朋友留意到，近年唔少內地人喺市面嘅提款機勁撳錢，其中有啲人攞住多張提款卡撳完又撳。金管局發言人噚日話，喺香港代他人從櫃員機提取現金嘅行徑唔係犯法，唔應該假設所有提款活動都涉及某種犯罪或洗錢行為。
不過金管局強調，如果銀行發現有可疑活動，都係應該向警方報告，等警方可以適當跟進或調查。
金管局講起，原來每個月用內地銀行卡喺香港提款機攞錢嘅金額，都億億聲上落，2017年用內地銀行卡於櫃員機提取現金金額，介乎每月20億元到60億元。金管局話，涉及嘅因素好多，例如訪港旅客人數、用於購物或其他用途嘅現金需要，同埋季節因素等。
更多港聞
【明報專訊】「前任行政長官及政治委任官員離職後工作諮詢委員會」噚日公布前運輸及房屋局長張炳良，以及前民政事務局副局長許曉暉離職後嘅工作。張炳...
詳情
【明報專訊】灣仔會展昨日起一連3日舉行第三屆「黃金時代展覽暨高峰會」，主要是為黃金一代（即45歲以上的人，退休人士和長者）而設，介紹來自世界...
詳情
相關新聞
