【明報專訊】Emily同唔少朋友留意到，近年唔少內地人喺市面嘅提款機勁撳錢，其中有啲人攞住多張提款卡撳完又撳。金管局發言人噚日話，喺香港代他人從櫃員機提取現金嘅行徑唔係犯法，唔應該假設所有提款活動都涉及某種犯罪或洗錢行為。
不過金管局強調，如果銀行發現有可疑活動，都係應該向警方報告，等警方可以適當跟進或調查。
金管局講起，原來每個月用內地銀行卡喺香港提款機攞錢嘅金額，都億億聲上落，2017年用內地銀行卡於櫃員機提取現金金額，介乎每月20億元到60億元。金管局話，涉及嘅因素好多，例如訪港旅客人數、用於購物或其他用途嘅現金需要，同埋季節因素等。
;)
