【明報專訊】1.1億元「超級六合彩」引來全城投注熱潮，今期總投注額達299,282,268元，六合彩噚晚準時9點半攪珠，開出嘅冧把係3、29、31、43、47、49，特別號碼係19，頭獎得0.5注中，每注派彩133,929,720元，即係話半注中嘅幸運兒獲派6696萬元！

2獎10注中，每注派1,486,390元；3獎有413.5注中，每注派95,850元。呢期六合彩咁吸引，連日嚟馬會投注站企滿買夢嘅人龍，今次發達夢又落空嘅你，唔使咁快泄氣，下期六合彩嘅彩金相當唔錯，如一注獨中頭獎，馬會估計彩金有8000萬元㗎。下期於下周二(16日)攪珠，祝大家好運！