【明報專訊】運輸及房屋局前局長張炳良�鰬F府期間少談政治，離開熱廚房後對政治議題就似乎講得比較放。網媒「眾新聞」噚日刊出佢�鼣X問，當中張炳良大談政改，指現時泛民同中央立場都無轉圜餘地，睇唔到破局方法，仲話「如果從沒有感情的角度看，就等個局衰到『貼地』，北京覺得還是要改(政制)，社會各界包括反對派都覺得『還是妥協』吧」，先有機會重啟政改。

張炳良曾經係民主黨成員，其後退黨，佢認為泛民應爭取政制盡量走前一步，唔應該「自己呃自己」，以為「中央過多五年會給一個better deal(更好的方案)給我們」，又呼籲泛民同北京需要非正式溝通，增加雙方信任。

在任期間經歷佔領運動，張炳良�鶶X問中就話佔中係策略錯誤，但泛民唔敢承認，又話中央對佔領歷史好有戒心，好似文革、六四就用類似姿態。佢�鶶X問中借用已故中共領導人毛澤東說法，認為社運應「談談打打」，盡量爭取向前走，爭取成果，哪怕只係一步都好，形容搞幾十年社會運動，示威後�鴷堛澈Y要談判，唔係示威之後就算數。