楊鳴章聖誕賀辭：年輕一代成家要勇氣
[2017.12.22] 發表
【明報專訊】過多幾日又到聖誕，今年天主教香港教區主教楊鳴章喺聖誕賀辭，就講耶穌出世時，瑪利亞同若瑟嘅辛酸，仲話真正嘅喜悅係要通過共同承擔困難同考驗，先至彰顯。佢仲深深體會到，香港對年輕一代要成家，需付出何等勇氣同慷慨，面對幾咁大嘅挑戰。
普天同慶嘅日子，香港人慣咗大吃大喝，有時忘記咗節日嘅原意。楊鳴章喺賀辭話，聖誕係一個生命嘅慶典、家嘅慶典，聖誕卡成日畀人安靜祥和嘅錯覺，無描繪出嬰孩啼哭、從未懷孕嘅少女初為人母嘅忙亂、仗義嘅若瑟要奔走張羅。佢話真正嘅喜悅係通過共同承擔困難同考驗後，先至能夠彰顯，家庭正係構建呢份喜悅嘅田園。
佢仲深深體會到，尤其在今日嘅香港，對年輕一代而言，要成立家庭需要付出何等勇氣同慷慨，面對多大嘅挑戰，至能夠感謝迎接主，作客他們家中。
更多港聞
東華水泉澳辦學 新小學半日教書 下午導修特色課
【明報專訊】位於沙田水泉澳博泉街的新小學校舍，終由東華三院成功投得，由於該校舍加入了先於空置校舍營運的過渡安排，東華三院須於下學年起暫時使用... 詳情
【明報專訊】教育工作者聯會在11月24日至12月7日，以問卷調查方式共向264名在職教師查詢有關其身心健康等問題，結果發現九成教師表示工作壓...
詳情
相關新聞
