無交會費 季霆剛選人代不代表民記

[2017.12.11] 發表

【明報專訊】全國港澳研究會成員季霆剛早前報名參選港區人大代表，有民建聯高層同Emily講，其實季霆剛已經好耐無交會費，所以已經唔係民建聯代表。季霆剛承認兩三年無交會費，所以已經唔係民建聯嘅「選舉會員」，強調今次係以獨立身分參選。

季霆剛以前報名參選人代時，曾向傳媒話仲係民建聯成員。該黨高層隨後接到查詢，問季霆剛係咪真係代表民記參選，有黨高層向Emily澄清，話季霆剛已經有一段時間無交會費，所以佢今次參選係不代表民建聯。

季霆剛話，自從上次狙擊公民黨郭家麒之後，「收到好多選委支持，好多人話我鬧佢係大快人心」，佢又話𠵱家選情形勢向好，稱自己今年34歲，「係1949年開國以來，最年輕嘅港區人大代表候選人」。

更多港聞

【明報專訊】2014年推出嘅香港卓越獎學金計劃，第一屆獎學金得主學成歸來。31歲嘅邱浩朗喺2015至2016學年去咗英國倫敦大學金匠學院讀藝... 詳情

【明報專訊】沙田馬場噚日舉行國際賽事，來自世界各地嘅頂級佳駟爭奪各項殊榮，當中第五場賽事，代表香港嘅「紅衣醒神」勝出1200米國際一級賽香港... 詳情

【明報專訊】政府擬於多區嘅海濱提出發展項目，多個關注海濱嘅團體、立法會議員、區議員及學者等，噚日就組成「保護海濱聯盟」，要求政府「真．還港於... 詳情

【明報專訊】大學教育資助委員會（教資會）的2020年研究評審工作（RAE）提早為合資格教學人員的到任日期「劃線」，原建議為2018年10月1... 詳情

【明報專訊】濫用抗生素致細菌耐藥的問題為全球所關注，有香港大學學者首度以化學合成的方法來合成抗生素衍生物，並成功合成熱門抗生素Teixoba... 詳情