【明報專訊】政圈近排傳出律政司長袁國強好快離職，資深大律師、「女公職王」鄭若驊係接班頭號大熱，而大律師公會主席林定國(Paul)早排都畀人傳過吓，話佢會放棄出任公會主席，走去做律政司長。大律師公會主席同執委下個月18日改選，Emily聽聞阿Paul早幾日通知執委會佢打算尋求連任。按規定，公會主席可以做兩年，Paul今年初當選主席，即係仲可以做多一年。Emily向Paul求證時，佢承認確實打算「冧莊」。

Paul咁講，變相粉碎咗佢會做律政司長嘅傳聞。行政會議成員、大律師公會前主席湯家驊話，如果Paul做開大律師公會主席，走咗去做律政司長，唔係咁好。Emily就聽聞鄭若驊下個月就會接任律政司長。