幻彩詠香江周五出新版
[2017.11.30] 發表
【明報專訊】旅發局噚日公布，12月起會推出新版本嘅「幻彩詠香江」，同時新增冬日版嘅「閃躍維港」光影匯演。
2004年登場嘅「幻彩詠香江」星期五起改頭換面，新增10座維港兩岸嘅參演大廈，包括稅務大樓和政府總部等，參演嘅大廈樓頂會裝上LED光束燈，或者喺外牆裝上LED屏幕，顯示圖案同字句。表演每晚8點舉行，換上全新音樂，仲推出手機程式，不過表演時間就由13分鐘縮短到10分鐘。
光影匯演新增冬日版
至於緊接其後嘅「閃躍維港」光影匯演，亦會於周五開始，喺每晚8點10分起有5節嘅匯演，每節長8分鐘，匯演會喺文化中心製造飄雪特效，亦會擺放巨型水晶球，同喺噴水池面鋪LED球，畀公眾影相兼打卡，光影匯演節目去到下個月28號就完。
更多港聞
【明報專訊】食物及衛生局長陳肇始、副局長徐德義，聯同一眾醫護人員，噚日去咗立法會為議員打流感針。不過，泛民主派就得人民力量陳志全（慢必）一個...
詳情
科大研圖像分析 助了解網民喜好 商品推薦更貼心
【明報專訊】現時不少社交媒體或網站會分析網民曾經搜尋的字眼，從而顯示相關廣告。科大有博士畢業生花5年時間研發「用戶圖像聯繫分析」技術（下稱分... 詳情相關新聞
