講明唔簽「擁護中國憲法」聲明 郭家麒參選人代博DQ

郭家麒宣布會參加港區人代，但講明唔會簽擁護中國憲法嘅聲明，話參選係旨在要畀港人睇吓呢場選舉有幾假。（楊柏賢攝）

今次參選港區人大代表者要簽署一份聲明（圖），表明要擁護中國憲法及基本法，「效忠中華人民共和國和香港特別行政區」。

【明報專訊】公民黨立法會議員郭家麒噚日宣布會參加港區人大選舉，但就講明唔會簽擁護中國憲法嘅聲明(民主派俗稱「衰仔紙」)。唔簽「衰仔紙」好大可能連閘都入唔到，郭醫生就話自己去年參選立法會都無簽擁護《基本法》嘅聲明啦，仲指被DQ(取消參選資格)已經係常態，強調自己參選人代係為咗畀港人睇吓呢場選舉有幾假。

話好多建制派簽咗都當選唔到

人大去年底通過修訂新一屆人大選舉辦法草案，規定參選人須喺登記表聲明擁護中國憲法、《基本法》、一國兩制，同時唔可以接受外國資助，違者會被裁定當選無效。被問到唔簽聲明就唔可以當選，郭醫生話好多富二代同建制派即使簽咗，都唔可以當選，因為佢哋無獲得中央祝福，所以自己如果無法當選都唔會覺得出奇。至於咁樣係咪做「政治show」，佢反駁話人大選舉本身就係一場「戲」，「人大係假到不得了嘅一場戲」，既然中共做緊戲，點解自己唔可以參與？

郭醫生嘅政綱包括要求中共政府履行「一國兩制、港人治港」承諾，提出撤回人大8．31之訴求；主張實踐《零八憲章》，令中國成為自由、平等、有人權嘅國家。人大參選提名期12月4日結束，香港廣東社團總會噚日已好快手咁搞咗個諮詢會，一眾有意參選者包括前局長譚志源、藝人鄺美雲等都有出席。

更多港聞

沙中線兩站改名 有「宋皇臺」無「馬頭圍」

【明報專訊】共有10個站嘅沙中線工程近期有唔少喜訊，繼完成所有鐵路隧道鑽挖工程後，港鐵宣布沙中線「大圍至紅磡段」最後兩個車站亦已經完成結構工... 詳情

阿牛返內地 「嘟一聲過咗」

【明報專訊】多個保釣團體前日（26日）喺福建廈門舉辦一連三日嘅「民間保釣運動回顧展」，本身係香港保釣行動委員會顧問嘅全國政協前委員劉夢熊噚日... 詳情

伍凱欣謝票

【明報專訊】民主黨伍凱欣（中）前日於中西區區議會東華選區補選勝出，喺原民建聯選區中贏番議席，噚日謝票。佢話今次要多謝嘅人實在太多，未來日子任... 詳情

一帶一路嘉年華 中總請菲外長主禮

【明報專訊】中華總商會下月1至3日喺中環遮打花園舉辦一帶一路嘉年華，會長蔡冠深噚日喺傳媒茶敘透露，菲律賓外交部長卡耶塔諾已答應來港為活動主禮... 詳情

家長團體要求設家課時數 教局指訂家課上限不專業

【明報專訊】政府於1993年開始逐步推行小學全日制，現時已涵蓋絕大部分小學，本應可為學生紓緩緊迫的上課時間和在導修時間完成部分家課，但香港革... 詳情