【明報專訊】香港教育大學(教大)香港研究學院噚日公布10月份「香港特首社交媒體民望數字」，結果發現各社交媒體帖文對特首林鄭月娥嘅民望淨值為「+14.3%」，較9月份調查上升0.5，反映網民對林太嘅評價保持平穩。 呢個調查由香港研究學院社會科學調查研究室負責，香港研究學院副總監方志恒分析，今次結果反映《施政報告》發表後，網民反應仍保持平穩，而10月份有關林太嘅社交媒體帖文中，最熱門嘅帖文題目為「基層家庭批林鄭：一個月$600只係夠交兩個仔嘅電話費！」，顯示網民都幾關注特首喺施政報告中嘅各項民生措施。 10月份有關林太嘅社交媒體帖文總數為6.46萬，平均每日有2085個帖文；全部帖文總瀏覽人次為3150萬，平均每個帖文瀏覽人次為487.5。調查分析嘅帖文來源分別為「facebook/博客」(45.9%)、「討論區/ 問答型平台」(42.8%)、「新聞網站」(11.4%)。
|
| |
| |
;)
