立會理大分別查倒插國旗 鄭松泰﹕最壞情况議席教席雙失

【明報專訊】熱血公民鄭松泰嚿年喺立法會議事廳，將建制派議員枱面嘅國旗同區旗倒插，早排被法院裁定侮辱國旗和區旗罪成立，而之前立法會議員謝偉俊動議就呢件事譴責，噚日調委會閉門研訊，成員清一色建制派。

調查委員會主席、經民聯梁美芬會後表示，已經完成所有證人取證，根據現時進展，期望明年1至2月提交報告。佢表明，法庭判決會對委員會嘅最終結論有高度參考價值，同時亦簡單研究埋其他地方議會類似嘅議員行為不檢個案，又參考立法會調查民主黨前議員甘乃威嘅處理方法。佢強調，立法會會訂立家規，研究鄭松泰嘅行為係咪構成行為不檢同違反誓言。

鄭松泰就話，自己可能會被褫奪議席，質疑委員會趕住喺立法會補選前交報告有陰謀，想進一步減少非建制派喺議會嘅勢力。鄭松泰任教嘅理工大學早排都就住佢被判罪展開調查，佢噚日收到校方通知，叫他提交書面「自辯」，講自己點睇判案同教學、教席嘅關係，但仲未收到通知要佢出席聆訊。

鄭松泰覺得校方應該召開公開聆訊，等師生知道校方評核教師嘅標準。佢話，最壞情况係明年會同時無咗議席及教席，又覺得呢次係對學界嘅政治打壓，想肅清反對派。

更多港聞

陳恒鑌帶囡囡露營煮大餐

【明報專訊】雖然立法會最近兩星期氣氛緊張，但議員周末都可以享受家庭樂。上個周末，民建聯陳恒鑌（Ben）就趁秋涼時節帶埋個女去大嶼山，露營咗兩... 詳情

H6 CONET 重現板間房籠屋

【明報專訊】市建局完成中環中心地下約2.8萬呎空間嘅翻新，當中約四成、約1萬呎會用嚟做公共空間，比翻新前增加近一倍，嗰度會命名「H6 CON... 詳情

《信報》總編任旅發局成員

【明報專訊】政府唔少法定同諮詢機構，都有委任不同界別成員，不過政府不成文規定，每人唔可以擔任同一公職超過6年，政府噚日公布新一屆旅遊發展局成... 詳情

財會「主席指示」爭拗 內會延續

【明報專訊】財委會主席陳健波呢個兩星期陸續實行財委會嘅「主席指示」，噚日正式將兩節會議合併做一節，每節差不多要用3至4小時，日後如果排喺財委... 詳情