海港城增觀景台 邊賞維港邊尋大師塗鴉

尖沙嘴海港城海運大廈擴建大樓新增頂層觀景台「海運觀點」，現場仲有兩個活動平台，其中一個有天然草坪，大家可以邊欣賞海景邊喺草地漫步。（蘇智鑫攝）

海運大廈頂層露天停車場有個巨型黃色船錨嘅圖案，係法國塗鴉藝術家Invader早前「突擊」海港城時留低。（蘇智鑫攝）

【明報專訊】以後又多一個地點欣賞維港三面海景喇！尖沙嘴海港城海運大廈擴建大樓新增頂層觀景台「海運觀點」已經開放，除咗可以免費270度觀看港九兩岸美景，大家仲可以玩「尋圖」遊戲，皆因法國街頭塗鴉藝術家Invader早前「突擊」海港城，留低咗18件作品喺商場內外。

天然草坪料月底開放

海港城海運大廈新增擴建大樓樓高5層、約10萬平方呎，大樓內主要為餐廳，大樓頂層有兩個近6500平方呎嘅活動空間，其中一個係天然草坪，但草坪上嘅草仍需時生長，暫料於月底開放。

另外大樓設有可供約200人使用嘅戶外梯級式看台，公眾可申請做表演場地。擴建大樓同舊大樓接通，郵輪碼頭嘅出入境位置亦由舊大樓遷至新大樓底層。

欣賞美景同時，市民可發掘Invader嘅馬賽克作品，事緣9月時Invader趁夜晚「侵略」海港城，後來被商場保安發現，海港城管理層見到大名鼎鼎嘅Invader到臨，就任佢搞，並同意保留其作品；Invader最終喺不同角落留低咗18幅作品，聽講海港城都要花一番工夫先搵齊。Emily噚日都同行家去尋寶，例如海運大廈停車場有巨型黃色船錨、擴建大樓平台就有手持區旗嘅食鬼！

更多港聞

汪明荃獲頒博士 再批西九人事

【明報專訊】香港演藝學院噚日舉行2017年度榮譽博士暨榮譽院士頒授典禮，由特首林鄭月娥主禮。投身演藝事業50年嘅八和會館主席汪明荃獲頒榮譽博... 詳情

「推動法治人權」 陳方安生獲美嘉獎

【明報專訊】前政務司長陳方安生近年不時就民主、法治等議題發聲，近日佢獲得2018 O'Connor Justice Prize，呢個獎係以已... 詳情

梁志祥推介元朗綠色遊

【明報專訊】特首林鄭月娥喺《施政報告》中，話政府會探討發展本地不同綠色旅遊景點，有意推動可持續綠色旅遊，民建聯立法會議員兼元朗區議員梁志祥就... 詳情

《上海灘》改詞 籲打流感針

【明報專訊】醫院管理局聽日（周三）起為合資格市民免費接種流感疫苗，為加強宣傳，港島西醫院聯網同東華三院長者無伴奏合唱小組「Upbeat」，噚... 詳情

愛魚港生赴台讀水產 為興趣選科 校長﹕在港無機會學到

【明報專訊】自小對魚類有濃厚興趣的黎諾維，由小時跟母親到街市看魚，到中學畢業後赴台灣攻讀水產養殖學，年僅21已成為香港魚類學會成員，帶領導賞... 詳情