東華區選首人報名 山頂無聲氣 乳鴿參選 卿姐獻吻

民主黨伍凱欣報名參加區議會補選，究竟得到邊個獻上祝福之吻？答案係前主席劉慧卿。（李紹昌攝）

【明報專訊】中西區區議會東華區同山頂區兩個議席出缺，將會在11月26日舉行補選。民主黨伍凱欣(Bonnie)噚日喺黨內巨頭群星拱照下，率先報名參選東華區補選。民主黨前主席劉慧卿仲向Bonnie獻吻，希望Bonnie順利當選。

或遇民主派對手

Bonnie喺卿姐、黨主席胡志偉、多名立法會議員同區議員陪同下報名參選，大家仲高呼「伍凱欣當選」。Bonnie話自己喺當區成長同工作，希望可以繼續服務街坊。對於同屬民主派嘅「中西區規劃及保育街坊聯盟」成員羅雅寧都盛傳有意參選，Bonnie強調人人都有參選權，是公平競爭，但一旦有多一個泛民參選，就會削弱對抗建制派嘅力量。

卿姐就話：「民主黨係最鍾意競爭……競爭先有進步。」卿姐話有興趣參選嘅人都可以落場比併，對Bonnie有信心，認為佢可以高票當選。

羅雅寧噚日截稿前未有回覆Emily佢嘅參選意向；而新會商會學校校長呂錦強今日就會去報名參選東華選區。

葉劉﹕等緊黨內程序走完

另一方面，新民黨主席葉劉淑儀早前話積極考慮親征山頂補選，由上個月講到開始報名，佢仍然話仲等緊黨內程序走完。

而佢嘅潛在對手仲有自由黨楊哲安，該黨黨魁鍾國斌就話楊哲安星期一就會正式報名去馬。補選提名期本月16日截止。

更多港聞

特首辦李惠創科局張曼莉立會派卡片

【明報專訊】立法會新一年度會期噚日開鑼，上任幾日嘅特首辦特別助理李惠，同埋創新及科技局政治助理張曼莉都分別去咗立法會，同議員及記者打招呼。李... 詳情

備戰單車節 林正財每周踩200公里

【明報專訊】聽日舉行嘅旅發局年度單車節，行政會議成員、安老事務委員會主席林正財同Emily講，已報咗名參加50公里比賽。咁佢有咩準備？林正財... 詳情

高鐵列車開放日 關注組擺50街站

【明報專訊】政府繼續推銷高鐵效益及一地兩檢方案。港鐵今日及明日喺石崗列車停放處舉行高鐵列車開放日，並會開放列車車廂畀公眾參觀。一地兩檢關注組... 詳情