政團派月餅籲遊行 藏「反威權」紙條

多個民主派政團喺旺角朗豪坊外派自製冰皮月餅（圖），月餅藏有「反威權」等口號嘅牛油紙條，呼籲市民參加下月1日聲援在囚社運中人嘅遊行。（郭慶輝攝）

【明報專訊】香港眾志同社民連等多個民主派政團10月1日(周日)發起「反威權」大遊行，聲援在囚社運中人，佢哋噚日朝早喺旺角朗豪坊外，向市民派發300個內含「(律政司長)袁國強下台」、「反威權」或「十一遊行」字條嘅冰皮月餅，呼籲市民出席遊行，同埋喺中秋節不忘在囚「政治犯」，月餅唔夠半個鐘就派晒。

月餅有「反清復明」嘅歷史背景，學聯前副秘書長岑敖暉強調，今次派月餅唔係叫大家起義、搞革命，形容「政治犯」為咗香港嘅民主同未來，被政權收進監牢，大家應該承擔反對威權嘅責任，而月餅係反對威權嘅象徵。月餅上印有「救」字，寓意港人自救，不過內藏紙條只有兩節手指咁大，社民連主席吳文遠講笑話紙條太細張，食咗都唔知，公民黨黨魁楊岳橋就叫大家食細啖啲。

被問到有領取月餅嘅長者唔知派月餅活動背後意義，岑敖暉話「知道嘅話就唔使派」，各政團正正希望透過活動，令唔知道「政治犯」事件或十一遊行嘅市民接觸到相關資訊。佢補充，十一遊行主辦單位向警方申請遊行人數為2萬，但佢唔評估屆時遊行人數。

更多港聞

徐炳光吳宏斌爭做廠商會長 兩營今飯局

【明報專訊】中華廠商會聯合會12月改選會長，雖然只係約3000名合資格會員嘅小圈子選舉，但選情都好緊湊，目前主要係兩名副會長徐炳光同吳宏斌之... 詳情

陳健民出席「可能最後沙龍」談抗命

【明報專訊】中大青年公民社會將舉行一場「公民社會研討會——可能是教授最後的沙龍」，由佔中發起人之一、中文大學社會學系副教授陳健民（KM）分享... 詳情

換人工關節 周一嶽撐拐杖上庭

【明報專訊】平機會前主席周一嶽（右）噚日就一宗勞資審裁處嘅案件出庭作供，Emily見到佢精神幾好，但就撐住拐杖步入法庭。佢作緊供時，手表仲突... 詳情

特派員公署請領事歎燒鵝

【明報專訊】下周三中秋節，外交部駐港特派員公署噚日就預早約埋38個外國駐港領團嘅總領事或代表慶祝中秋，一行人先去歷史博物館參觀「萬壽載德——... 詳情

中學南亞裔聯絡主任推共融 深明歧視苦 更懂助族人

【明報專訊】政府近年增撥資源支援少數族裔，包括額外撥款予收錄10名或以上非華語學生的學校。廠商會蔡章閣中學有近六成非華語學生，該校聘請了巴基... 詳情