【明報專訊】政府8條收費隧道同幹道今年7月開始分階段引入「停車拍卡」嘅電子繳費設施。繼城門隧道之後，運輸署噚日宣布今個月24號起，會喺香港仔隧道人手收費亭提供呢個措施。一眾駕駛人士日後可以用八達通或者本地發行嘅非接觸式信用卡繳付隧道費，慳番人手現金找贖嘅時間。 運輸署話，為咗方便唔同高度嘅車輛，每個人手收費亭有上下兩組讀卡器，每組左邊嘅讀卡器接受八達通，右邊就接受非接觸式信用卡，包括Visa、Mastercard同銀聯。新措施下，司機仍可用現金繳費。司機如果對新措施操作有疑問，可以去運輸署網頁www.td.gov.hk睇睇或致電1823查詢。
|
| |
| |
;)
