睇唔到垃圾桶即棄餐具？ 貿發局讚美食展冇大嘥鬼
[2017.08.22] 發表
【明報專訊】一連5日嘅美食博覽噚日結束，貿發局喺成個活動完咗後，喺facebook出post話，「大家果然無做大嘥鬼，識飲識食仲識得愛護地球！抵讚！」但Emily呢幾日喺會展行嚟行去，發現垃圾桶都係即棄餐具，回收箱一係就空空如也，一係就有其他垃圾，唔知貿發局係咪去咗平行時空嘅美食博覽？
Emily見到展商好多用即棄餐具，如膠碗碟、竹籤等，亦唔見有市民自備餐具。貿發局早前就答Emily，話因為涉及衛生，同埋展商實際操作問題，要仔細研究先會決定鼓唔鼓勵市民自備餐具。
另外，貿發局admin喺facebook post上面tag咗「大嘥鬼」，大嘥鬼至截稿前未有回覆，Emily都好想知佢點回應現場咁多即棄餐具呢個問題。
更多港聞
【明報專訊】今年係紮鐵工潮10周年，職工盟、紮鐵業團結工會同街工等多個團體將合辦一系列工運回顧與展望活動，其中紮鐵業團結工會喺9月會舉行紮鐵...
詳情
迪士尼Halloween晚宴 邊食飯邊睇show
【明報專訊】每年萬聖節，海洋公園同迪士尼都會搞活動，等大家大玩鬼屋。迪士尼今年除咗搞鬼屋，仲新設「米奇Halloween大解謎」晚宴，等大家... 詳情相關新聞
