惡補功課 徐英偉識答最低工資$34.5
[2017.08.10] 發表
【明報專訊】士別三日，刮目相看？副勞工及福利局長徐英偉(圓圖)上個禮拜三履新，被傳媒問到知唔知道最低工資金額時(𠵱家時薪34.5元)答唔出，話除咗最低工資，喺好多政策議題上需要同持份者多接觸喎。當時話親自揀徐英偉做副手嘅勞福局長羅致光幫佢解圍，話最低工資問題都可以考起佢自己，又話呢啲具體問題唔係常識。
徐英偉噚日同傳媒聚會時，Emily問佢上任後有無勤做功課，鑽研吓局長口中「唔係常識嘅問題」，徐英偉今次信心爆棚話「34.5」梗係知。佢又話上任後唔使局長提，自己已經努力睇數據，更重要嘅係理解埋數據背後反映嘅問題，例如領取交通津貼嘅低收入家庭面對嘅生活問題。徐英偉滔滔不絕，睇嚟真係「努力學習，天天向上」。
更多港聞
相關新聞
