水務署新服務 上網check水費
[2017.07.29] 發表
【明報專訊】水務署噚日更新咗網頁(www.wsd.gov.hk)，新增註冊用戶、註冊代理人、水喉業界人士同公眾專區，市民可瀏覽有關服務同資訊。
註冊用戶專區提供樓宇內部嘅水管維修保養資訊、水費單同供水服務嘅連結，註冊用戶可一站式管理水費單、申請電子帳單服務，同申請供水等事項。
註冊代理人專區有清洗水箱注意事項、大廈優質供水認可計劃嘅資料，同埋處理屋苑公用供水系統漏水問題嘅應對措施。水喉業界人士專區就有水務署認可嘅喉管及裝置、最新水務署通函等。公眾專區提供教育信息，市民亦可了解食水含鉛超標調查委員會各項建議嘅跟進工作進度。
水務署亦增設分頁向市民介紹工作，如水資源管理、將軍澳海水化淡廠等資訊。
更多港聞
【明報專訊】港人鍾意去旅行就係人人都知，但究竟去得有幾密呢？有旅行社喺今年4月4日至6月20日，用電話訪問526個35歲或以上已婚客戶，了解...
詳情
相關新聞
