水墨畫變動畫 下月展出 製作者盼打破刻板印象
[2017.07.28] 發表
【明報專訊】9個喺香港公開大學讀動畫及視覺特效課程嘅學生，用咗一個月時間，將5幅水墨畫整成動畫，並且會喺「全球水墨畫大展」展出。參與動畫製作嘅學生許純慧同鍾卓君希望，水墨動畫能夠打破水墨畫嘅刻板印象。
由藝育菁英基金會主辦嘅「全球水墨畫大展」，8月4至8日喺香港會議展覽中心免費展出500幅水墨作品，其中包括水墨畫大師王無邪嘅作品《大江廿五》。
維港黃昏畫 加日夜變化
《大江廿五》嘅水墨動畫用水墨渲染嘅方式，營造江水流動嘅感覺。負責製作動畫嘅許純慧話，佢用咗好多時間試驗水墨渲染嘅效果，例如要揀最適合嘅水墨形態，又要不斷調校水墨嘅透明度。
而陳球安嘅《紅日光輝耀香江》本來只係描繪紅日照耀維港兩岸嘅黃昏景致，學生就加咗清晨及夜晚嘅維港景象，仲加入太陽升降、煙花綻放等動畫效果，描繪維港日夜變化。
有份製作動畫嘅鍾卓君話，佢每日會用5至6個鐘整動畫，填補畫作係最繁複嘅工序，因為加動畫效果嗰陣，會令畫作原本遮住咗嘅部分顯露出嚟，所以要填補本身相疊嘅位置。
自幼學習水墨畫嘅許純慧希望，動畫可以吸引多啲人接觸呢樣傳統藝術，進入水墨畫嘅世界。鍾卓君就希望動畫可以改變大眾對水墨畫嘅認知，強調水墨畫唔止係黑白色，亦可以鮮艷奪目。
更多港聞
林鄭要求司局長兩年走勻18區 每次與區議員傾1個鐘
【明報專訊】唔知大家有無發覺，近排唔同官員差唔多每日都輪流落區，又派吓禮物包探市民，又同地區人士見面呀咁。其實呢個係特首林鄭月娥畀問責官員嘅... 詳情
【明報專訊】民主黨喺暑期搞咗個「民主小茶飯」實習計劃，畀啲後生仔去了解該黨工作。原來好戲在後頭，喺實習計劃中表現優秀嘅同學，下個月可以同啲「...
詳情
【明報專訊】用手機上網已經成為生活一部分，專做情緒輔導工作嘅香港撒瑪利亞防止自殺會，都計劃喺半年內推出應用程式（App），接觸有自殺傾向人士...
詳情
【明報專訊】民建聯副主席張國鈞（Horace）身兼行會成員、立法會議員同區議員三職，收入增加唔少，亦忙碌好多，因為行會通常星期一、二都要開會...
詳情
相關新聞
