鄧家彪入民記 瞄準新東 「無放棄過參政機會」
[2017.07.27] 發表
【明報專訊】政府DQ議員後，雖然未知補選日期，但唔少人都已開始密密做準備，工聯會前立法會議員鄧家彪就有新動態，因為民建聯前日通過阿彪加入民建聯嘅申請，阿彪隨即成為「贊助會員」，有民記同工記雙重身分。今次嘅安排明顯係為未來新界東立法會補選作準備，團結民記同工聯會喺新東嘅地區力量，幫阿彪抬轎。阿彪回應時就話﹕「無放棄過參政嘅機會！」
阿彪入黨推薦人來頭唔細，就係出身工聯會嘅民建聯前主席譚耀宗。現時仍有部分人持民記及工記「雙重黨籍」，包括深水埗區議員陳穎欣，阿彪入黨後亦加入民記沙田支部。阿彪參加上年立法會新東選舉最後落敗，佢𠵱家無做立法會議員，反而多咗時間去新東服務，但阿彪同Emily講，佢作為東涌區嘅離島區議員，會繼續兼顧東涌嘅地區工作。
阿彪對新東事務都要熟書，仲話關心高鐵一地兩檢安排，原因係高鐵明年第三季通車之後，香港去廣州快好多，咁樣原有嘅紅磡直通車作用有幾大呢？阿彪話九鐵講過，將來沙中線通車後，東鐵列車車卡由12卡減至9卡，阿彪擔心東鐵載客量有影響，話屆時不如減少紅磡直通車班次，騰出路軌空間，增加日常東鐵班次喇。佢話想大家討論高鐵時，都順便關注一下東鐵服務。
更多港聞
中西區建制兩議員或任副局政助 一議席料落泛民手中
【明報專訊】政府仲未公布新一屆嘅副局長同政治助理委任名單，不過部分人選已經曝光，其中民建聯中西區區議員蕭嘉怡將會擔任政治助理，據了解原本係民... 詳情
以色列國會 議員蹤影一mon睇晒 莫乃光﹕建制都覺得香港做到
【明報專訊】立法會工商事務委員會喺以色列考察，其中一個參觀點唔少得議會。香港立法會不時有俗稱「狗仔隊」嘅政務官，喺立法會數住啲議員去咗邊，每... 詳情
【明報專訊】民建聯噚日公布新一輪「消費者信心指數」調查結果，今年錄得自2008年3月以來嘅最高水平，當中3項指數都回升，民建聯話，結果反映近...
詳情
相關新聞
