港珠澳橋通車前辦馬拉松
[2017.07.05] 發表
【明報專訊】近年愈來愈多香港人鍾意跑步，不時都有機構舉行大型馬拉松比賽，而各馬拉松好手今次真係要注意喇！因為港珠澳大橋工程嘅大橋總工程師蘇權科日前喺央視節目中披露，港珠澳大橋通車前會舉辦馬拉松比賽，到時跑手就可以喺同一個比賽中穿梭香港、珠海同澳門。
長42公里 同全馬一樣
港珠澳大橋總工程師蘇權科早幾日到央視節目《開講啦》接受訪問，其間透露，港珠澳大橋通車前會辦馬拉松，而且有關手續已經辦得差唔多。佢又話，條橋從口岸之間計算，啱啱好42公里，即係同全馬賽事嘅總長度(42.195公里)一樣，叫定各位跑手「到時候報名」。
不過港珠澳大橋工程早前爆出貪污醜聞，係咪可以如期通車，係未知之數，大家都係等官方有消息，先至準備報名喇！
更多港聞
泰晤士亞太百大排名 港大第六 港大學「知識轉移」排50外
【明報專訊】英國《泰晤士高等教育》（THE）特刊公布亞太區首100間大學排名，沿用自2017年世界大學排名，新加坡國立大學繼續成為亞太區排名... 詳情相關新聞
