拉布減 民主黨有望提六四議案
[2017.04.20] 發表
【明報專訊】民主派立法會議員昔日都會趁「六四」周年前夕，喺立法會辯論六四無約束力議案，但近年受「拉布」影響，六四議案要「過期」辯論，甚至好似去年咁無人提出要辯論。不過，今年拉布火力減弱，立法會有望可以恢復討論六四。民主黨立法會議員尹兆堅同胡志偉都會一齊抽籤，邊個抽中就會提出議案。
今年立法會秘書處就財政預算案合共收到745項議員修正案，比舊年逾2000項大幅「縮水」，亦係自2013年起激進泛民拉布以來，最少修正案嘅一年。去年受到拉布影響，加上立法會有好多法案要審議，所以民主派直情無提出辯論六四。
今年修正案大減
Emily聽講，泛民今年會恢復提出討論六四。由於立法會議員眾多，如果想提出無約束力嘅議員議案，就要抽中籤先得。
更多港聞
相關新聞
