陳智思與示威者connect唔到

人民力量副主席譚得志（左）、社民連梁國雄（中）等亦到場外示威，反對中央欽點特首，有示威者帶咗放上500元現金嘅「乞兒兜」，諷刺林太施捨500元畀乞丐一事。其間保安鎖上麥花臣場館正門，林太競選辦人員、民建聯嘅張國鈞（右）亦被示威者包圍。（馮凱鍵攝）

【明報專訊】特首選舉提名期聽日完結之際，獲較多建制派支持嘅林鄭月娥噚日公布政綱全稿，並喺旺角麥花臣場館舉行記者會簡介理念。不過，社民連、人民力量、香港眾志等多個政黨組織代表就表明要同林太「Connect」，喺記者會開始前入咗場館示威，並高叫反對23條立法同小圈子特首選舉等口號。場館保安要求佢哋離去，雙方一度口角同推撞，最後示威者坐低，表明要聽林太嘅政綱。

喺場面僵持之際，林太競選辦主任陳智思(Bernard)走出嚟想「破冰」，同社民連副主席黃浩銘、香港眾志秘書長黃之鋒等人交涉。Bernard一開頭已經同黃浩銘「搭膊頭」，話歡迎佢哋，但由於林太已經租咗會場，「全香港市民都非常之期待林太講政綱」，希望佢哋先行離開，等林太公布後會同佢哋「Connect」。林太嘅競選口號係「WeConnect」。

黃浩銘隨即話，先前畀場地保安推撞，一啲都唔似歡迎佢哋嚟喎，Bernard即時回應，笑住話佢𠵱家咪同示威者「非常之connect」囉，仲話大家係君子，希望佢哋離場先。有示威者即嘲諷佢話Bernard原先係「唐營」，𠵱家「叛變」加入林太競選辦。

Bernard聽到就好大反應話「我唔係唐營你唔好搞錯，我肯定係香港營」，示威者接住話「咁你即係梁振英營喇」。最終雙方「connect」唔成，Bernard返回後台，到最後就同示威者「約法三章」，准許佢哋留喺場內，但記者會期間唔可以用擴音器同高叫口號等，否則會要求保安請佢哋出去，令林太最後喺3點半左右先正式公布政綱，較原訂時間遲咗約半個鐘。

另外，社民連同人力噚日下晝亦喺場館外示威，反對中央欽點特首，其中人力副主席譚得志等示威者，更帶同放咗500元現金嘅「乞兒兜」，諷刺林太早前施捨500元畀女乞丐一事。

更多港聞

奧斯卡擺烏龍 曾俊華有感悟：未到最後不知真正結果

【明報專訊】林鄭月娥噚日終於宣布全面政綱，係噚日香港焦點之一；另一邊廂，適逢美國奧斯卡頒獎禮發生頒錯最佳電影獎事件，曾俊華即喺faceboo... 詳情

尖啤大減34磅 「夢寐以求」

【明報專訊】前全國政協委員劉夢熊去年因妨礙司法公正罪成判囚18個月，昨日刑滿出獄。身形魁梧嘅「尖啤」（dream bear）足足瘦咗34磅，... 詳情

智能手機10年製造71億部 相等於全球一人一部

【明報專訊】智能手機生命周期愈來愈短，綠色和平噚日公布「智慧型手機十年盛世」報告，指自2007年第一代iPhone面世以來，全球已經製造出7... 詳情

校委會今開會討論　憂即下決定 校友組促港大諮詢管治報告

【明報專訊】香港大學校務委員會今天將開會討論「檢討大學管治專責小組報告」事宜。港大校友關注組召集人、教育界立法會議員葉建源促請校委會參考以往... 詳情

開可持續能源課程 科大擬明年招生30

【明報專訊】科技大學將於2018/19學年開設可持續能源工學士或理學士課程。科大工學院院長鄭光廷透露，首屆預計招收30名學生，課程內容包括能... 詳情