馬時亨巡金鐘南港島線
[2016.12.23] 發表
【明報專訊】港鐵南港島線即將於下周三(28日)通車喇，港鐵正密鑼緊鼓做好通車最後準備。Emily噚日就撞到多名港鐵管理層，巡視金鐘站嘅南港島線樓層，包括港鐵主席馬時亨(中)、車務總監劉天成(左)，同埋人稱「基哥」嘅車務營運主管李聖基(右)。劉天成之後同Emily講，由於28號仲係學校假期，人流會相對較少，但港鐵會增加人手密切留意月台嘅情况，特別係黃昏繁忙時間，金鐘站人流會因此增加，港鐵為咗乘客安全同鐵路服務暢順，有需要時會控制人流，包括關閉部分扶手電梯。唔知佢哋3個噚日係咪視察一旦關閉部分扶手電梯後嘅跟進安排呢？
更多港聞
相關新聞
