迪士尼Iron Man設施 登特別版鐵甲號「飛天」抗敵

「史達科技展」會展出特別版鐵甲號Mark VIII（圖），迪士尼話取名Mark VIII係因為中文「八」字代表發財、好運。（楊柏賢攝）

遊客有機會喺「鐵甲奇俠裝備展」親近Iron Man，同佢傾偈、影相，不過Iron Man就算嚟到香港，仍然係講英文㗎。（楊柏賢攝）

【明報專訊】香港迪士尼樂園嘅「鐵甲奇俠(Iron Man)」設施下年1月11日開幕，迪士尼噚日先請傳媒預覽，Emily留意到唔少遊戲都充滿香港元素。遊客可以喺「飛行之旅」入面，同Iron Man一齊並肩作戰保衛香港，另外仲可以同Iron Man「真人」面對面傾偈同影相𠻹！

1．11開幕 如睇4D電影

Iron Man嚟到香港都係照講英文，但似乎都識聽廣東話，Emily噚日去到「鐵單奇俠裝備展」，見到Iron Man好有型咁登場，仲主動同Emily握手。Iron Man動作多多，不過有時就會講嘢唔到題。

「鐵甲奇俠飛行之旅」係Iron Man遊戲嘅主打，玩家先要經過「史達科技展」參觀吓Tony Stark等多年嚟嘅發明，然後就準備登上「特別版鐵甲號」。玩家要戴3D眼鏡、扣上安全帶，鐵甲號會模擬喺香港上空飛行，由45名乘客同Iron Man一齊對抗外敵，其間鐵甲號嘅座位會傾斜、急煞停等，感覺好似睇緊4D動感電影咁，都幾刺激㗎。機電工程署話已經喺上月下旬向遊戲發出「使用及操作許可證」。

今次Iron Man系列遊戲融入唔少香港元素，例如喺飛行之旅沿途見到青馬大橋、環球貿易廣場(ICC)、香港嘅的士同巴士等。迪士尼話，漫畫Marvel嘅美國團隊早前派員來港睇景，所以畫面先咁逼真。

另外，Iron Man嘅助手、人工智能「卓維」(Jarvis)識講廣東話，仲好熟悉本港交通情况，識得建議人搭港鐵避開塞車嘅繁忙時間。

更多港聞

無畀尹兆堅拋窒 劉國勳國旗早預備

【明報專訊】熱血公民鄭松泰喺10月立法會大會期間，因為倒插建制派議員枱面上嘅國旗同區旗，遭謝偉俊動議譴責。噚日立法會大會討論有關議題時，民主... 詳情

賀回歸辦海報設計賽 主題「我到20歲時……」

【明報專訊】為慶祝香港特區下年成立20周年，政府新聞處為呢個重要日子舉辦海報設計同短片拍攝比賽，邀請本港中、小學生同市民一齊發揮創意，以作品... 詳情

特首去打針

【明報專訊】冬季流感高峰期就嚟到，特首梁振英（前右）噚日聯同幾個問責官員接種季節性流感疫苗，呼籲市民及早準備，應對冬季流感高峰期。 除... 詳情

Google年度關鍵字 Pokémon GO最熱

【明報專訊】有嘢唔明唔識，現今唔少人都會先Google搜尋一下，噚日Google公布2016年搜尋排行榜，結果月前風靡全城嘅手機遊戲Poké... 詳情

戀愛通識課小四開始 青協社工：老師多避忌

【明報專訊】有駐校社工發現，教師因怕教錯學生及要顧及權威身分等「死穴」，對戀愛避而不談，呼籲教師放下身段，在學生面對戀愛困惑時，多聆聽及支援... 詳情