【明報專訊】想了解廣東著名海盜張保仔，除咗去長洲張保仔洞同睇電視劇，仲可以點？倫敦畫商Roger Keverne最近就送咗一幅19世紀清代海軍掃蕩廣東海盜嘅油畫畀海事博物館，展示當年大嶼困賊嘅情景，一眾海盜迷又多個好去處。 最近研究發現，呢幅中國外銷油畫描繪嘅相信係廣東水師圍剿海盜，地點正正喺北大嶼山東涌灣外嘅赤鱲角島，即香港國際機場。紅旗幫海盜最終被清廷擊敗，海盜首領張保仔歸降於百齡，獲授千總一職，並助官軍平定從前嘅幫眾。 海事博物館總監韋持力同Emily講，雖然呢幅畫需要再研究，去確認畫作描述嘅情景，但作品無疑點出大嶼山海戰呢段久被遺忘嘅本地歷史。 不過，呢幅畫暫時仲未有得睇，海事博物館喺12月5日籌款晚宴簡報贈畫之後，畫作隨後先會放喺博物館C層「海盜展廳」長期展出，有興趣嘅朋友要等多幾日啦！
|
| |
| |
;)
