城大紅隧口賣獸醫課程廣告
[2016.10.27] 發表
【明報專訊】香港城市大學早前宣布，2017學年開辦6年制自資獸醫學學士課程，現時已開始招生，為咗吸引更多人留意同入讀，城大最近就喺每日人流好多嘅紅隧口賣大型廣告(圖)。
呢個大型廣告中有唔少可愛動物，較吸睛嘅係熊貓同馬仔。聽聞呢個廣告位長期爆滿，有時有錢都未必有位。城大中人同Emily講，城大上月開記者會宣布開辦獸醫學課程後，除咗電視及報章廣告、facebook同YouTube等宣傳途徑外，不斷諗唔同方法令更多人知道呢個首個「港產」獸醫課程。城大今次搵到紅隧九龍入口附近、紅館對出嘅大型廣告板咁啱有檔期，於是拍板製作呢個大廣告，跳出以往大學傳統宣傳手法，走入社區宣傳課程。
更多港聞
【明報專訊】李國章擔任港大校委會主席，早前引起唔少風波，佢接受立法會前主席曾鈺成喺商台節目《鈺成千里目》訪問中，就承認當日特首梁振英（CY）...
詳情
【明報專訊】本周五立法會教育事務委員會將選正副主席。上次會議中，仍未獲准再宣誓的青年新政游蕙禎及梁頌恆分別獲熱血公民鄭松泰和香港眾志羅冠聰提...
詳情
相關新聞
