文 麥煒和

「唔乖乖�]做功課，因住警察�薨唭A！」

「唔乖乖�]食晒�禷滿A因住醫生罰你打針！」

「唔乖乖�]�堐情A因住熊人婆食�鬻A！」

原來醫生功能是等同警察與熊人婆，可以震懾唔乖的小朋友。家長帶子女睇醫生順道教仔，其實屢見不鮮：「陳小明，有沒有依時食抗癲癇藥？」

「醫生，佢抽筋(癲癇發作)都係由於沉迷打機。」

「陳太，你是否指光敏反應？那似乎與打機沒有關係喎。視覺閃頻沒錯能令部分癲癇患者腦電波出現變化甚至發作，特別是12至25Hz(頻率單位)的閃光，舊款電視是PAL制式，閃頻為50Hz，由於顯像管是隔行掃描，在熒光幕一公尺之內，看見的閃頻便會減半至25Hz，有機會誘發抽筋。但香港家庭一般已轉用高清電視，閃頻在100Hz左右，電腦或手機顯示屏亦然，都屬安全範圍，除非仍沿用舊款電視，打機其實是很難誘發抽筋的。」

「醫生，我聽得一頭霧水。不如咁，你叫佢捉少�齯韖d超，聽聞比卡超搞到全日本的小朋友抽筋。」

「又沒那麼誇張，事緣1997年12月16日東視播放的《寵物小精靈》，收看人數約一千萬，劇中一段持續四秒12Hz的閃頻，令最少600人感到不適及200人需要送院，引發光敏反應的是閃頻，唔關比卡超事喎。事後，各國已立例管制電視節目及遊戲畫面的閃頻，所以單從醫學角度，不論捉比卡超抑或皮卡丘、寵物小精靈抑或精靈寶可夢，其實都是安全的。

「職責所在，醫生只能實話實說，故此便時常得失病人或家屬，再者，為了達到某目的而要配合捏造一個偽命題，實乃我們職權以外，正如拘捕唔做功課的學生是觸犯警例，以打針懲罰頑皮的兒童也是有違醫生操守的。」