田北辰批葉劉入行會有問題
[2016.10.10] 發表
【明報專訊】新民黨田北辰早前打算參選立法會主席，但未獲包括主席葉劉淑儀在內嘅建制派支持，最終告吹。佢日前接受無綫新聞專訪，直言對新民黨長遠發展有好大保留，同時將矛頭直指身兼行會成員嘅葉太，佢話：「你睇有邊個政黨，個阿頭𠵱家喺行會？如果係嘅話，呢個就變咗政府黨啦，呢個係一個問題，對新民黨長遠嚟講，絕對係一個問題。」
田北辰形容，新民黨黨內投票立場一旦出現不一，就會令其他人「唔知新民黨代表乜嘢」。佢同時又向建制大黨發炮，話建制派需要改革，唔應該全由大黨指揮，形容現時「大哥、大姐」文化太重，「咁樣落去唔係好事」，反問點解建制派唔可以有六黨聯盟。Emily噚日以短訊向身在北京嘅葉太查詢，至截稿前未有回覆。
更多港聞
相關新聞
