國泰fanfares 4周年 商務位去韓國$4900
[2016.10.04] 發表
【明報專訊】唔少港人一有假期都會出外旅遊輕鬆吓，好希望搵到平機票。國泰同港龍航空推出嘅「fanfares」機票優惠，至今年已經係第4年，為咗紀念呢個時刻，佢哋噚日宣布由今日起嘅fanfares，會增設商務同埋特選經濟客位選擇，其中坐商務客位去泰國布吉都只係2900元。
布吉商務位$2900
除咗布吉外，呢個禮拜嘅fanfares優惠，仲包括坐商務客位去韓國首爾，機票售價4900元；至於坐商務客位去洛杉磯就要2.99萬元。
如果想平啲揀特選經濟客位，國泰同港龍頭炮就提供飛去意大利米蘭同加拿大溫哥華嘅選擇，兩者機票售價9900元。不過以上機票售價就未包稅項同附加費嘅。今次優惠機票合共500張，而機票嘅指定出發日期就由今個月至出年5月不等。
國泰同港龍又話，fanfares喺2012年推出後，至今已經有超過3000萬人次瀏覽網頁，賣出超過52萬程機票，覆蓋國泰同港龍合共33個國家及地區90個航點。
另外，對於有報道話國泰正計劃喺波音777機隊增加經濟艙嘅座位，令每個座位闊度由18.5吋減至17吋，噚日出席宣傳活動嘅國泰珠三角及香港營業總經理吳秀蘭就承認公司正考慮有關計劃，但強調𠵱家只係審視階段，國泰都會考慮旅客旅途中嘅舒適程度。
更多港聞
【明報專訊】監警會噚日召開同警察投訴課嘅聯合公開會議討論多個議題，委員黃碧雲表現踴躍，成個會因為咁超時1個鐘，令副主席張華峯忍唔住罕有發言問...
詳情
【明報專訊】曾被視為立場親中嘅《成報》，上月起多次在頭版批評特首梁振英和中聯辦主任張曉明，引起社會關注，近日批評對象更擴至人大委員長張德江。...
詳情
歧視智障案 張超雄籲教局不上訴 家長：英語天賦平等 局方﹕正研判辭
【明報專訊】教育局拒絕向照顧智障生的香海正覺蓮社佛教普光學校批出外籍英語教師（NET），日前遭高院裁定其決定歧視及違反《基本法》。立法會議員... 詳情
相關新聞
