公開梁耀忠提名表 陳國強驚見好兄弟

【明報專訊】民主派已有多支名單報名參選超級區議會議席，而獨立嘅沙田區議員陳國強亦好希望湊夠提名，趕尾班車報名參選，不過由於泛民區議員數目始終唔多，要參選有一定難度。早前街工梁耀忠報名參選「超區」時，就未肯公開所有提名佢嘅區議員。陳國強噚日就喺facebook公開3張阿忠嘅提名表，話提名阿忠嘅，「竟有一路拍心口支持我的好兄弟」。

阿忠當日手持17個提名報名(參選要有15名區議員提名)，其中9個係工黨、街工成員，但其餘8人佢就不便公開。而根據陳國強上載阿忠嘅提名表，可見阿忠仲獲得區議員譚香文、麥業成、古桂耀、王振星、杜嘉倫、麥潤培、蘇冠聰同徐子見8人提名。

陳國強話希望有一兩個人可以撤走對阿忠嘅提名，相信此舉對阿忠入閘絕無影響。雖然陳國強仍然好想出戰超區，但有地區人士估計，佢最終或會循新東出選，因為呢排陳國強不時有「正義行動」街站，大部分時間都係喺新東出沒。

麥潤培噚晚就喺fb回應話，要畀票陳國強有前設，包括其他提名唔可以係建制派、對方至少有13票等。佢批評陳國強「由頭到尾都冇13人，仲公開話有13票」。

更多港聞

揭沐浴露致敏物 《選擇》斷市要加印

【明報專訊】皮膚敏感周身痕，有時真係好慘，困擾唔少香港人。消委會今期《選擇》月刊公布沐浴露測試，逐一揭露當中嘅致敏防腐劑、染色料，一出街即刻... 詳情

書展掃毛記書 石永泰愛專家Dickson夠毒

【明報專訊】近年書展風頭躉黑白毛記，今年繼續旺場，噚日排隊攞「腦細」林日曦簽名嘅「粉絲」當中，仲見到西裝骨骨嘅資深大律師石永泰！石大狀一次過... 詳情

幫過共和黨助選 藝人李泳漢選九西

【明報專訊】立法會選舉提名期展開，除咗政黨人士，亦有唔少獨立人士報名參選，好似資深藝人李家鼎嘅大仔李泳漢（圖），噚日就伙拍前泛民人士符偉樂一... 詳情

第19屆校園記者﹕校記訪小店 探討保育與發展 觀塘功樂官中奪冠

【明報專訊】發展與保育，是否永遠兩難全？第19屆《明報》校園記者計劃舉辦「校記專題報道比賽」，主題為「保育與發展」，得獎組別分別走進觀塘、大... 詳情

**亞軍** 巧手細刻時代印痕 木器盈香默候知音

【明報專訊】香港像一列永不停下的列車，由滿山香樹的漁村啟航，途經工廠林立的街衢，穿梭於銀光閃爍的擎天商廈，全速奔向未知的世界。在昔日講求物件... 詳情