【明報專訊】ViuTV節目《晚吹：一大一路》早前請到新民黨主席葉劉淑儀做嘉賓，同一班小朋友對談，葉太噚日同Emily分享錄影節目嘅趣事，原來班小朋友不停問佢IQ題，例如6隻腳嘅螞蟻，點解經過一灘糞便後只係留低4個腳印？出海又點解唔可以笑呢？不過呢啲題目統統考唔到葉太，答案就係螞蟻要用兩隻腳掩住個鼻，而出海笑就會有「海嘯」喇。 小朋友童言無忌，葉太話錄影嗰日臨散場，同小朋友講自己要返屋企，叫佢哋估點解，結果有小朋友答要「放屁」，另一個就答「尿急」，最後葉太知道佢哋都鍾意食黑朱古力，就答佢哋要趕返屋企食黑朱古力。葉太話，班小朋友好精靈、唔怕醜，更加有小朋友一見到自己就嗌「好靚」，笑住話佢哋細細個已經好識講嘢。
|
| |
| |
;)
