【明報專訊】港台節目《城市論壇》噚日邀請「香港眾志」主席羅冠聰、「香港民族黨」發言人周浩輝、港區全國人大代表田北辰同埋嶺南大學公共管治研究部主任李彭廣等人，齊齊討論港獨同自決話題。一眾愛國愛港嘅台下觀眾面對「港獨分子」時情緒非常激動，愛港之聲主席高達斌(圖)喺台下發言嗰陣，公然話「我呼籲個個市民在(節目)完咗之後，走向佢哋(羅冠聰、周浩輝)面前吐口水」。 主持人蘇敬恒一聽到高達斌嘅呼籲立即斥責，強調「呢個係絕對不能」。高達斌就聲稱只係要示範「有啲嘢係唔可以討論，唔可以煽動嘅」。 高達斌當然只係「口部勇武」，節目完結後，一眾愛國愛港伯伯好快散水，羅冠聰同周浩輝等人都安然無恙全身而退。
|
| |
| |
;){kind=small}
;)
