【明報專訊】立法會主席曾鈺成(圖)繼早前同大家介紹文字遊戲「無情對」，以「(特首)梁振英」作上聯，對出下聯「國安法」之後，又有新搞作。曾主席今次教大家英文版文字遊戲「pun(一語雙關)」，仲講明係「抽水」出題，「如果我告訴你以下的話和最近的新聞有關，你會怎麼理解：Time lies. See why」。 曾主席喺《am730》專欄以〈時飛似箭〉為題，指Time flies like an arrow可以解時間過得好快；亦可解做「給蒼蠅計時，像給飛行的箭計時一樣」，呢個情况下，Time 當動詞，flies解作蒼蠅。 曾主席仲「抽水」出題，叫大家估吓「Time lies. See why」點解。Emily噚日喺立法會見到曾主席，都有問到底呢句話點解，曾主席大笑，話有3個唔同解釋，叫Emily 「做吓功課先」。 根據曾主席喺專欄嘅介紹，要玩「pun(一語雙關)」，關鍵在於某個字要有多過一個解法。Time可以作動詞，意思係「計算」，亦可以係名詞，解作「時間」； lies也可作動詞，意思係「講大話」，如果用作名詞，就解「謊話」。換言之，「Time lies」可以解做「時間在講大話」，或者「計算有幾多謊話」。 至於「See why」點解？不言而喻啦。
|
| |
| |
;){kind=small}
;)
