明報再奪版面設計獎
[2016.04.01] 發表
【明報專訊】《明報》同事嘅努力同心血再一次獲肯定，前晚喺馬尼拉舉行嘅世界報業及新聞出版人協會(WAN-IFRA)頒獎禮上，明報憑舊年1月3日嘅「叮噹失聲了」版面(圖)，奪得「頭版最佳設計」銅獎，真係值得恭賀！其實，呢次已經係呢個版面第二次攞獎，早前香港報業公會嘅2015年香港最佳新聞獎，該版面都攞咗個「最佳新聞版面設計」優異獎。
陪伴唔少港人成長、聲演卡通人物叮噹嘅配音員林保全，去年初與世長辭，明報當時以「叮噹失聲了」為題作頭版報道，並特別設計咗一個由叮噹頭像覆蓋嘅版面。負責設計嘅王炳賢話，當時為咗向林保全致敬，所以摒棄日常嘅版面佈置，將整個叮噹嵌入頭版，希望呢個有別傳統嘅設計，可以同香港人嘅懷緬之情同集體回憶產生共鳴。
更多港聞
【明報專訊】想入政府做學位或專業程度公務員職位，必須通過綜合招聘考試（CRE）同應考基本法試，機會嚟啦，呢兩個試將分別喺6月11同18日舉行...
詳情
相關新聞
