民主思路立選名單 要經湯家驊提名
[2016.03.23] 發表
【明報專訊】距離立法會選舉仲有唔夠半年，民主思路召集人湯家驊(Ronny)噚日出席傳媒茶敘時透露，組織已展開內部甄選程序，由佢提名成員畀理事會決定參選人，名單數目同人選最遲喺6月公布，不過就強調現時仲未正式公布參選，因為「公布咗就要計經費」。Ronny重申自己無意再戰立會，但成員要經過佢提名先有機會「出閘」，咪即係有篩選？Ronny就笑言「我嗰關好易過」，而成員黃梓謙就話唔排除出選香港島。
聲稱走第三路線嘅新思維，早前話願意同民主思路喺選舉合作，不過襄王有意神女無心，Ronny形容同其他組織協調「有困難」，因為大家都唔清楚彼此嘅理念。民主思路早前委託學術機構就一國兩制同普選議題做民調，4月中有結果，Ronny話民調唔會左右組織嘅理念，但承認可能會影響選舉部署。
另外，Ronny話民主思路喺下月中會搞一場電影籌款首映，為來年經費同「其他使費」籌錢。套外國戲名叫Race，講述一個美國運動員嘅勵志經歷，Ronny話已經請到政務司長林鄭月娥同財政司長曾俊華出席，雖然未有為籌款額訂目標，但就話首映除咗普通票外，亦有VIP票，「畀幾多錢我哋都收」，不過兩名司長當然可以免費入場。
更多港聞
夢熊服刑 《矛盾》換人 周庭將與年長建制男遊日 料矛盾更多
【明報專訊】有「學民女神」之稱嘅學民思潮前成員周庭（圖），早前獲邀拍攝ViuTV嘅綜藝節目《跟著矛盾去旅行》，伙拍全國政協前委員劉夢熊一同到... 詳情
重病留班被排擠 轉校覓新天 沙畫悟重生 女生才藝助人
【明報專訊】匯知中學新成立奇藝義工隊，讓學生利用體藝才能做義工，包括為受助者表演及教受助者發展才藝等。有隊員曾在名校讀書，因重病留級，卻被標... 詳情
【明報專訊】教育局長吳克儉日前出席伊利沙伯舊生會湯國華中學校慶典禮，被示威學生包圍，留在車內半小時拒絕接信而惹爭議。有校長向筆者說，社會及校...
詳情
【明報專訊】英基昨公布申請調整下學年學費，因政府今年起逐步撤銷對英基的資助，小一學費由去年7.87萬元加至10.1萬元，加幅28.3%，每月...
詳情
相關新聞
