罕有五星拱照天象賀年
[2016.02.06] 發表
【明報專訊】「金、木、水、火、土」五星連珠嘅罕見天文現象自今年1月中已經開始齊集夜空，而新春期間天氣好，市民可以盡情觀賞，Emily都計劃約埋朋友喺猴年同「五星拱照」天象拜拜年。
天文台提醒Emily，水星只會喺日落後或日出前短時間內可以觀察到，5粒行星同時見到係一個難得嘅機會，由年廿九大除夕嘅夜晚開始，木、火、土、金、水就會順序喺香港上空「蒲頭」。換言之，大年初一晨早約5點半到天光前，大家就有機會同時睇到呢5粒行星喺天上排列。
天文台話，除咗大年初一，新春期間喺黎明前望向東南至西南方，都有機會睇到五星連珠，咁最好去邊度睇？Emily聽講西貢萬宜水庫東壩、石澳等東南嘅空曠地點最好，而要準確咁知道五星連珠時間，大家可參考天文台年曆內嘅太陽及行星出沒時間圖。
更多港聞
相關新聞
