石禮謙：李國章高高在上 唔使我關心
[2016.01.28] 發表
【明報專訊】港大校委會前晚開會，逾兩百名學生同示威者喺校委會開會嘅大樓正門同停車場聚集包圍，要求新任校委會主席李國章同學生對話，結果警方進入校園執法，凌晨1點李國章先走到，另一委員紀文鳳就話唔舒服，要坐救護車離開。咁其他屬於建制派嘅委員，其實又點走呢？本身係立法會議員嘅校委會成員石禮謙同Emily講，佢喺未開完會、約夜晚7點50分就已經離開，係坐車走嘅，當時仲經過門外嘅學生𠻹。至於會唔會慰問李國章，石禮謙就話，李主席「高高在上，唔使我關心啦」，但就會關心吓紀文鳳。
校委成員馮敬恩話，李國章主持會議好霸道，成日打斷人哋發言，但石禮謙就拒評呢個講法，只係話自己唔再係校委會發言人，所以唔會講港大嘅事。
更多港聞
【明報專訊】負責檢討全港性系統評估（TSA）的委員會，其轄下小組建議微調小三TSA題型，免試題「刁鑽」致學校操練，希望今年在50間小學試行。...
詳情
【明報專訊】教育局在最新提交立法會教育事務委員會的文件中指出，隨着高中生數目下降，預計在2016學年可為所有符合入讀大學基本條件的中學畢業生...
詳情
相關新聞
