猴年郵票 1•16有售
[2016.01.01] 發表
【明報專訊】猴年將至，香港郵政將推出一套4款以「歲次丙申(猴年)」為主題嘅特別郵票，郵票上印有唔同形態嘅馬騮仔，仲有各式賀年圖案同吉祥物點綴，寓意新一年豐衣足食。郵政署又會推出郵票小型張「十二生肖金銀郵票小型張——吉羊靈猴」，同大家送羊迎猴，小型張郵票以銀箔同22K鍍金金片燙壓而成，非常矜貴。兩套郵票都會喺本月16號開始發售。
另外，猴年正式首日封同「十二生肖金銀郵票小型張——吉羊靈猴」嘅正式紀念封聽日開售，市民可以上香港郵政網頁了解詳情。
更多港聞
【明報專訊】社署招標請社工隊就見得多，Emily聽聞最近土木工程署都要招標請社工隊，原來係要為古洞北新發展區提供服務，促進受新發展影響人士同...
詳情
相關新聞
