缺席活動 袁國強又病了
[2015.12.02] 發表
【明報專訊】近排香港天氣忽冷忽熱，一個唔覺意好容易就會病。好似律政司長袁國強咁，唔知係咪因為高鐵「一地兩檢」嘅問題搞到好頭痕，又或者之前上北京天寒地凍冷親，原本噚日佢要出席「2015十大港聞選舉」記招做主禮嘉賓，點知大會突然間話袁司長病咗，所以唔能夠現身喇。
Emily噚日問過律政司發言人，證實袁司長身體抱恙所以無返工，不過大家唔使擔心，發言人話袁司長只係「一般嘅抱恙」，唔係有咩大病，但暫時未知佢今日返唔返到工喇。睇番之前啲報道，袁司長呢排身子好似都係麻麻，10月1日嘅升旗同酒會，佢都因病缺席。
記得袁司長同Emily講過佢都幾怕凍，雖然香港「這個冬天不太冷」，但司長都係著多件衫好，祝佢早日康復。
更多港聞
為考生再評分 得出較佳成績 視藝組織邀專家挑戰考評局
【明報專訊】本報早前報道，上屆文憑試視覺藝術科考生張芷晴一度被指考試時抄襲自己的作品，查卷後維持4級成績。視覺藝術教育關注核心小組認為張所得... 詳情
【明報專訊】小學一校一外籍英語教師（NET）推行多年，NET要上課又要改變校內教英文文化，一人相當吃力，語文教育及研究常務委員會前主席田北辰...
詳情
相關新聞
