【明報專訊】政府呼籲市民唔好做大嘥鬼，但係2013年工商界製造廚餘量，按年急升24％，真係好嘥。地球之友趁今日係「世界糧食日」，同中華煤氣合作推動「惜食有價」計劃，鼓勵市民外出用膳時減少製造廚餘。 呢個計劃有140間食肆參加，包括酒店、酒樓、茶餐廳等，大學之中只有城大響應。市民可以支持「叫少飯」或「食光不浪費」嘅惜食行動，以換取由1蚊至10蚊嘅現金回贈或者免費甜品等優惠。有興趣嘅可以去地球之友網站(www.foe.org.hk)睇詳細資料。 其中一間參與計劃嘅食肆係日本火鍋放題店「牛涮鍋」，店員唔會主動收碟，畀客人用同一隻碟去攞食物，鼓勵市民食完碟內嘅食物先至攞下一碟。呢間餐廳早已經推行惜食獎勵，客人食晒枱上食物，可以攞到5蚊或10蚊優惠券，火鍋店高級營運經理張曉基話，呢招非常有效，餐廳廚餘減少咗兩成，又可節省食材支出，雙贏！
|
| |
| |
;){kind=small}
;)
