【明報專訊】立法會內務委員會噚日召開特別會議，討論屋邨食水含鉛量超標事件。今年66歲嘅金融界立法會議員吳亮星(圖)好認真咁問咗一條關乎香港人壽命長短嘅問題，佢問政府﹕「如果(水)含鉛量適中，(係咪)有助延年益壽？或者如果令壽命減少，政府係咪需要負責？」政務司長林鄭月娥回應時都忍唔住笑住咁搵救兵﹕「要請高(永文)醫生幫幫手。」 高永文﹕無證據證明鉛有益身體 食物及衛生局長高永文就回應話，暫時喺醫學上，無任何文獻或證據證明鉛係對身體有益。 吳亮星喺會上好關心壽命長短嘅問題，佢話香港人嘅人均壽命長咗好多，問政府有無見到一啲研究，係關於水含鉛係咪導致壽命增長嘅基礎之一。 一班網民見到咁好嘅機會，即時瘋狂抽水，好多網民都留言問候星爺﹕「你今日飲咗未呀？」facebook專頁「墳場新聞」仲惡搞，搵埋古時因服食紅鉛而死嘅皇帝明光宗朱常洛(1582-1620)做訪問，朱常洛話：「那說飲鉛水會延年益壽的，大概是在孩提時代已經中鉛毒了罷？」 吳亮星問鉛水「功用」 code.mingpao.com?1776
|
| |
| |
;)
