揮筆尋回歡樂 高錕首開畫展

《葡萄》——腦退化症影響患者嘅手部動作，高錕唔少作品都集中喺左下角，呢幅《葡萄》就係例子之一。（高錕慈善基金提供）

《許願樹》——高錕經歷一個月學習握畫筆，克服心理障礙，用筆尖「點」出第一幅畫作《許願樹》。（高錕慈善基金提供）

【明報專訊】諾貝爾物理學獎得主、中文大學前校長高錕(圖)近年患咗腦退化症，大家都好關心佢嘅情况，原來高錕教授近年醉心繪畫，畫畫成為佢嘅良藥，幫助手部協調和運用。「高錕慈善基金」為咗慶祝成立5周年，幫高教授搞咗個個人巡迴畫展，展品包括佢首幅畫作，以及送畀太太黃美芸嘅溫馨禮物《生日快樂》。

高錕巡迴畫展第一站喺又一城舉行，展出32幅作品，展期由即日至10月4日。呢批畫作主題分為「花卉」、「動物」、「交通工具」、「風景」和「節日」，大部分作品都色彩斑斕，見證高教授呢兩年來學畫嘅心路歷程。

展出首作《許願樹》

畫班導師Polly話，畫筆同畫布之間距離雖然小於1厘米，但對患病嘅高教授來講，就好似人類從地球去月球嘅距離，因為認知障礙令高教授易忘記握筆技巧，所以佢第一課嘅作品係空白畫布！不過，喺短短一個月時間，高教授已可以開始用畫筆去接觸畫布，雖然初時只畫零碎嘅點同線，但已經係大躍進！《許願樹》就係教授第一幅「點」出色彩嘅作品。

高太就話，腦退化症剝奪咗高教授人生唔少樂趣，但繪畫幫佢尋回唔少歡樂。Polly話，高教授大部分畫作都集中喺左下角，係因為認知障礙症限制咗手部嘅活動，不過呢個限制反而成為佢嘅獨特畫風。

高錕畫展提供導賞，想欣賞畫作及知多啲「腦退化症」資料，可瀏覽基金會網頁﹕

www.charleskaofoundation.org

更多港聞

周融回顧佔領：恐怖分子或死於非命

【明報專訊】「保普選反佔中」大聯盟召集人周融接受DBC數碼電台訪問，回顧去年佔領行動時，將學民思潮召集人黃之鋒、學聯前秘書長周永康和前副秘書... 詳情

Backstage 10月回歸 「自由約」開戶外影院

【明報專訊】上月底不敵中環貴租嘅Backstage Live Restaurant宣布回歸，不過就以另一方式同大家見面，就係下個月同西九文化... 詳情

冷氣廢熱乾衣 洗衣舖慳電三成

【明報專訊】中華電力噚日舉行第四屆「環保節能機構」嘉許禮，得獎者之一嘅陽光洗衣便利店老闆就好有諗頭，話日日對住高用電量嘅乾衣機及冷氣機就頭痕... 詳情

「真梁粉」周浩鼎 率先表態撐CY連任

【明報專訊】下屆特首選舉即將開跑，但邊個係「真命天子」，唔少政壇人士仍未「買定離手」 。不過，青年時事評論員協會主席、民建聯副主席周浩鼎（H... 詳情

立法會組團訪德 議員偷師全球最佳職訓

【明報專訊】立法會教育事務委員會議員，搭通宵機前日一早抵達德國法蘭克福後，早上就開始職務訪問，活動包括參觀黑森嘅工業學校。佢哋先拜訪黑森州高... 詳情