律政司長辦公室搬舊政總
[2015.09.12] 發表
【明報專訊】終審法院最近搬返去翻新好嘅中環昃臣道舊立法會大樓，而炮台里嘅舊址未來會留畀其他法律組織用。律政司噚日再宣布律政司長辦公室，就嚟會搬返去中環前政總，計Emily話，「政府山」遲吓瀰漫住法律界氣息，分分鐘可以改名做「律政山」。
律政司長辦公室今個月14日就搬去中環下亞厘畢道18號律政中心，即係前政總，而早排幾個律政司科別同法律改革委員會秘書處嘅辦公室，已搬咗去律政中心中座和東座。加上終審法院喺炮台里前法國外方傳道會大樓嘅舊址會由法律組織申請做辦公室，Emily覺得「政府山」第時就變成香港法律組織據點。讀者留意，刑事檢控科同律政司其餘組別會繼續留喺原址金鐘政府合署辦公，直到另行通告。
更多港聞
相關新聞
