小明去公大 下一站港大？
[2015.09.07] 發表
【明報專訊】兒科醫生李家仁前幾日推出新歌《小明上公大》，噚日又去公開大學，參加公大極地考察隊出發典禮，又順便宣傳吓新歌。典禮開始前佢把握時間同特首夫人梁唐青儀、公大校長黃玉山玩自拍，仲極速上載到facebook，睇嚟小明都幾快手。
聽完帶隊教授分享去北極行程，李家仁話其實都幾羨慕有得去極地，佢話有可能遲啲出一首《小明去南極》，至於北極，好似辛苦得滯，都係去南極行一轉輕鬆啲。
李家仁港大畢業，𠵱家係公開大學科技學院榮譽教授，李醫生就話未來可能都會作番首同港大有關嘅歌，但講到明唔會以委任副校長風波作主題，因佢認為係「茶杯裏的風波」，最好由大學自己處理。畢業生議會有八成投票者要求30日內委任副校長，但佢話「港大十幾萬校友，出嚟投票嘅唔夠1萬人」。
更多港聞
【明報專訊】香港足球隊上周四奮戰守和中國隊，呢件事到今日都仲係球迷話題，而財爺噚日亦喺網誌讚港隊，又話門將葉鴻輝嘅神勇表現，不負「英雄輝」之...
詳情
相關新聞
