基本法展有華叔無馬丁 主辦﹕場地限制 好多內容無法展示

《文匯報》舉辦中國香港《基本法》頒布25周年大型圖片展，展出多個基本法草委嘅肖像同姓名，包括草委之一、已故支聯會前主席司徒華（左下）嘅相，但另一草委、民主黨創黨主席李柱銘就未見喺展板上。（郭慶輝攝）

基本法草委譚惠珠被問到有無發覺唔見咗另一名草委李柱銘幅相時，話唔知道原因，叫Emily問番個機構！珠姐嘅相亦有喺展板上（左下）。（郭慶輝攝）

【明報專訊】《文匯報》舉辦中國香港《基本法》頒布25周年大型圖片展，其中一塊展板展出多張基本法草委照片，但有記者發現，展板上部分草委未見。好似民主黨創黨主席李柱銘、《明報》創辦人查良鏞就未見喺展板上出現，已故支聯會前主席司徒華則「榜上有名」。

Emily向嘉賓之一、立法會主席曾鈺成指出問題時，佢都好驚訝，反問﹕「咁奇？唔會吓嘛！真唔真呀？」仲專登入番去場館查究。咁啱特首梁振英送咗本已故國家領導人鄧小平親筆題詞嘅《基本法的誕生》畀佢睇，曾主席就特別同Emily分享書中講法。

曾鈺成驚訝﹕應該一齊有或一齊無

曾主席話，書中名單同時有司徒華同李柱銘個名，但同時亦有個註，註明草委查良鏞同鄺廣傑其後辭職，而司徒華同李柱銘就同時被指從事「與基本法草委身分不符活動，被人大常委停止職務」，所以佢認為，兩人有就應該一齊有、無就一齊無。

Emily亦去咗請教教育局長吳克儉，局長話無留意到李柱銘唔見咗。另一草委譚惠珠話，唔知李柱銘「失蹤」原因，叫Emily問番個機構喎！

展板話活動獲民政事務局同中聯辦「特別支持」，《文匯報》董事長王樹成致辭時話，由於場地限制，好多內容無法展示。但個場係咪細到連李柱銘張相都容納唔到，就不得而知喇。

另外，特首梁振英喺離開圖片展時，遇到民主黨副主席尹兆堅示威，抗議政府調查鉛水工作緩慢，並向進入升降機嘅梁振英掟出一支樽裝水，但無擊中人。

更多港聞

漂書節賞詩賞音樂

【明報專訊】一年一度嘅「漂書節」又嚟喇，今年嚟到第五屆，將喺8月29至30號喺柴灣青年廣場舉行，今年「漂書節」仲特別以「詩」做主題，除咗預計... 詳情

左撇子編舞家舞出小眾幸福

【明報專訊】噚日係「國際左撇子日」，係一個專屬慣用左手嘅人嘅節日。全世界只有百分之十嘅人係左撇子，活於「右撇子」為主嘅社會，難免有好多不便。... 詳情

譚志源放大假 「資深同事」幫住先

【明報專訊】唔少高官趁暑假休假叉吓電，早前特首梁振英（CY）放假但突然提早回港，𠵱家就輪到財政司長曾俊華放緊兩星期大假。政府噚日出稿，話政... 詳情

曾蔭權應邀上京睇閱兵

【明報專訊】9月3日係抗日戰爭勝利70周年，中央會舉行閱兵儀式，特區政府會有約300人嘅觀禮團到北京，雖然特首辦至今仲未公布觀禮團名單，但唔... 詳情