肌萎生「閃眼挑戰」籌款 剛征服DSE入港大

成功入讀港大嘅肌萎生周佩珊發起「Eyes Blinking Challenge閃眼挑戰」，為肌萎病人籌款，玩法係跟住節奏眨左眼、右眼，或者一齊眨，而同冰桶挑戰一樣，拍完片後上載至fb，再挑戰3個朋友，接受挑戰或直接捐錢都得。（網上片段撮圖）

【明報專訊】去年為ALS(肌萎縮性脊髓側索硬化症)病人籌款嘅「冰桶挑戰(Ice Bucket Challenge)」風靡全球，好多人都爭住淋冰水，仲搞到有啲便利店冇晒袋裝冰賣。Emily發現，嚟緊有人就以「Eyes Blinking Challenge閃眼挑戰」，為脊髓肌肉萎縮症慈善基金病人籌款，發起人正正就係喺本屆文憑試中攞到21分、成功入讀港大嘅肌萎生周佩珊。

效法去年冰桶挑戰

肌萎病人四肢唔靈活，有啲甚至唔郁得，但眼睛可如常轉動，所以佩珊發起「閃眼挑戰」，讓其他人用另一個方式感受肌萎病人。睇番上年嘅冰桶挑戰活動，除咗為美國肌肉萎縮性脊髓側索硬化症協會籌得過億美元外，也為香港肌健協會籌得2600萬，相等於以往捐款嘅百多倍！

咁究竟乜嘢係「閃眼」呢？原來可以根據佩珊所作嘅歌，跟住節奏做出眨左眼、右眼，或者一齊眨嘅動作，自己創作一套眨眼節奏都得㗎！好似之前個冰桶挑戰咁，拍完閃眼片後上載去fb，再挑戰多3個朋友，唔接受挑戰嗰個就可以捐100蚊到基金嘅匯豐銀行戶口002-6-404517，當然又玩又捐錢就最好啦！佩珊已經拍咗一條片上YouTube(https://youtu.be/07qCjDFwiyw)，大家不妨上去睇吓佢雙眼幾靈活！

更多港聞

模擬立會過3法案 議員：現實不會發生

【明報專訊】第8屆模擬立法會噚日舉行閉幕禮，參加者經過兩個月體驗終於完成，噚日亦向唔同黨派議員分享成果，包括討論咗4條法案，好似修訂《廣播條... 詳情

騙案太多 廉署信被當假嘢

【明報專訊】近日經常出現騙案搞到人心惶惶，噚日網上瘋傳一封聲稱廉政公署本月6日發出嘅信，紙上印上「到訪不遇」字句，要求收信人喺辦公時間打電話... 詳情

食物回收油麻地開舖 果欄話支持

【明報專訊】食物回收機構民社服務中心噚日喺油麻地開咗一間食物回收嘅地舖，可以畀會員喺星期一至五領取麵包、菜等。中心開喺油麻地就近水樓台，想搵... 詳情

任地質保育大使 學與人溝通

【明報專訊】應屆中六畢業生陳家汶同林子喬，喺新創建集團同香港地貌岩石保育協會合辦嘅「新創建香港地貌行」做咗地質保育大使，有機會做導賞員，喺大... 詳情