手語育嬰指南 教聽障者父母之道
[2015.08.08] 發表
【明報專訊】聾人組織龍耳之前推出手語電台，翻譯唔同嘅社會資訊畀聾人社群，由於不時收到聽障父母向佢哋查詢仔女嘅照顧技巧，最近佢哋製作咗首齣設有手語翻譯嘅手語育嬰指南《快快樂樂做父母》。
社工﹕聽障者乏親子資訊
手語指南由初生BB換尿片、洗眼、抱嬰、掃風方法，以致6至24個月BB嘅飲食照顧都有。家庭服務部社工鄭思敏話，唔少聽障人士照顧初生子女時都會感到徬徨無助，因為聽障而缺乏資訊，所以好多聾人家長只能夠交託健聽家人照顧，令親子關係疏離。
佢仲話，今次出版呢一隻光碟，龍耳希望可以幫到一眾聾人建立溫馨同愉快嘅親子環境。
由凱瑟基金贊助同衛生處支持製作嘅指南，今個月將會完整上載龍耳電視網上平台讓大家免費睇，到時大家記住留意啦。
更多港聞
相關新聞
